Saqqaa / Ileqqoreqqusat malittarisassallu / Motoorinik ingerlatillit nunaannarmi / Avanersuup eqqaanut ileqqoreqqusassatut siunnersuut

Avanersuup eqqaanut ileqqoreqqusassatut siunnersuut

Avannaata Kommuniani ukiuunerani Avanersuup eqqaanni assartuutit motoorinik ingerlatillit nunaannarmi atorneqarneri pillugit ileqqoreqqusaq

Assasrtuutit motoorinik ingerlatillit atorneqarneri pillugit Namminersorlutik Oqartussat nalunaarutaat nr. 10, 10. oktober 2013-imeersumi § 6, aamma § 7 imm. 2, § 9, imm. 1 aamma § 12 naapertorlugit aalajangersarneqarpoq (B10-2013).'

Download

Atuuffissai il.il.

§ 1. Avannaata Kommuniani Avanersuup eqqaani assartuutit motoorinik ingerlatillit nunaannarmi atorneqarneri pillugit ileqqoreqqusaq una atorlugu aqqutissat aamma ingerlaarfissat killeqarfiisa toqqarneqarnerinut malittarisassat aalajangersarneqarput.

a) Avanersuup eqqaaniipput Qaanaaq nunaqarfiillu Savissivik, Qeqertat Siorapalullu. Nunaannarmi killeqarfia nunap assinganut ilanngussaq 1-imiiippoq.

Imm. 2. Ileqqoreqqusami matumani nunaannarmi nunaminertat pineqartut tassaapput kommunimut pilersaarummi illoqarfiup nunaqarfiillu avataaniittut.

Imm. 3. Imartat, kangerluit, kuuttut tatsillu sikusarnerisa nalaani nunaannarmut ilaatinneqarput.

Imm. 4. Ileqqoreqqusami Sermersuarmut iigartartunullu Sermersuarmeersut kiisalu Pituffeersunut atuutinngilaq.

§ 2. Motoorinik ingerlatillit ileqqoreqqusami pineqartut tassaapput angallatit motoorillit suulluunniit sikukkut, aputikkut, qaqqakkut nunaannakkullu ingerlasinnaasut, matumani ATV-t, illiniliuutit qamuteralaallu ilanngullugit.

§ 3. Atuisussaatitaanermik nalunaaruteqartariaqartumik aqqusinerni, unittarfinni narsaatinilu il. il. angallanneq, pilersaarusiornermut inatsit naapertorlugu, ileqqoreqqusami matumani atuutinngillat.

Imm. 2. Nakkutilliinermut oqartussaasut avatangiisinik pinngortitamillu nakkutilliinerannut, annaassiniarnerannut, politiit misissuinerannut, illersornissaqarfiup suliaqarnerannut assigisaannullu tunngasut ileqqoreqqusami matumani atuutinngillat.

Imm. 3. Sumiiffinni, angallatit motoorinik ingerlatillit atorlugit angallannermut inatsisit allat aqqutigalugit maleruagassiuiffiusuni, maleruagassiat sukkulluunniit killilersuiffiunerusut atuutissapput.

 

Nunaannarmi motoorinik ingerlatilinnik atuineq

§ 4. Nunap assinganut ilanngussaq 1-iip kiisalu KUL-1-7-p aqqutissatut ingerlaarfissatullu nalunaaqutsersimasat avataanni assartuutit motoorillit atoqqusaanngillat.

Imm. 2. Aqqutissatut ingerlaarfissatullu nalunaaqutsersimasuni angallatit motoorilinnik ingerlaneq aalajangersakkat tullinnguuttut taamaallaat naapertorlugit pissapput:

a). Ukiuunerani motoorilinnik ingerlasarneq taamaallaat 1. oktobarip 31. maajillu akornani pisinnaavoq.

b). Angallatit motoorillit nunakkoortillutik ajutoorsimassappata, naggorissutsimut nunamullu uuliakooratarsinnaaneq imaluunniit orsussamik aniasooratarsinnaaneq pitinnagit peerneqassapput. Angallatit motoorillit Kommunalbestyrelsimit peeqquneqareernerisa kingorna peerneqanngippata, piginnittup akiligaanik Kommunalbestyrelsimit peersinneqarsinnaapput.

 

Angallannermut ataatsimoortumik aalajangersakkat

§ 5. Ukiuunerani angallatinik motoorinik ingerlatilinnik atuineq taamaallaat pissaaq, nunap naqqa qerisimappat, aputeqarpat aamma naggorissutsimut nunallu naqqanut akornutaanngippat. Nunap qaava pukkinnerpaamik apummik 7 cm manngersumik imaluunniit 20 cm aqitsumik qallerneqarsimassaaq.

Imm. 2. Angallatinik motoorimik ingerlatilinnik imeqarfiup killeqarfiata iluani angallanneq inerteqqutaavoq.

Imm. 3. Imm. 1-imi aalajangersakkat imaani sikukkut, kangerlukkut, kuukkut tatsikkullu angallanneq atuutinngilaq.

§ 6. Nunaannarmi angalanermi naasunut aseruutaasinnaasumik sangupiloorfigineqsasanngilaq, aallarsarfigineqassanngilaq unipiloorfigineqassananiluunniit.

Imm. 2. Kuuit sinaat uingarnillu kiisalu tatsit killingi, kuuit annerit kiisalu kangerluit ikaarneqartassapput, naasut nunallu ajoquserneqarfissarinngisaasigut.

Imm. 3. Angallannermi naasut uumasullu eqqarsaatigineqassapput. Nunamik miluumasunillu illersuinermut piniarnermullu Inatsisartut nalunaarutaat atuuttut qaqugukkulluunniit malinneqassapput.

a) Angallatit motoorinik ingerlatillit atorlugit amaqqunik malersuineq inerteqqutaavoq.

Imm. 4. Qimussit sapinngisamik qaninnerpaamik 10 meterinik ungasitsigisassapput.

Imm. 5. Angallannermi aqqutit nunap assingatigut sapinngisamillu aqqutitigut nalunaaqutsersuinikkut kommunimit isumagineqassapput.

 

Immikkut ittumik akuersissutit

§ 7. Pisuni immikkut ittuni nunap assinganut ilanngussaq 1-ip kiisalu KUL 1-7-p avataani assartuutit motoorinik ingerlatillit atorlugit aqqutissatut akuerisani angalanissamut kommunalbestyrelse immikkut ittumik akuersissuteqarsinnaavoq.

Imm. 2. Immikkut ittumik akuersissuteqartoqarnissaanut qinnuteqaat tunngavilersugaq angalanissaq pilersaarutaasoq kingusinnerpaamik sapaatit-akunnerinik sisamanik sioqqullugu kommunalbestyrelsimit tiguneqarsimassaaq aamma nunaminertanik imaluunniit aqqutigisassanik takutitsiviussalluni.

Imm. 3. Kommunalbestyrelse immikkut ittumik akuersissuteqarnermut atatillugu naapertuuttutut isigineqarsinnaasunik piumasaqaateqarsinnaavoq.

Imm. 4. Immikkut ittumik akuersissutit Avatangiisinut Naalakkersuisumut ilisimatitsissutigineqassapput.

Imm. 5. Imm. 1 aamma imm. 2 naapertorlugit akuersissutit sukkulluunniit kommunalbestyrelsimit imaluunniit Naalakkersuisunit allanngortinneqarsinnaapput utertinneqarsinnaallutilluunniit, immikkut ittumik akuersissuteqarnissamut piumasaqaatit unioqqutinneqarpata, imaluunniit kommunalbestyrelsip Naalakkersuisulluunniit naliliinerat malillugu pissutsit pinngortitamut avatangiisinullu ajoqusiisinnaasut pineqarpata.

Imm. 6. Immikkut ittumik akuersissutit ukioq ataaseq tikillugu tunniunneqartarsinnaapput.

 

Nakkutilliineq il.il.

§ 8. Kommunalbestyrelsip nalunaarummi uani malittarisassat malinneqarnersut nakkutigissavaat.

Imm. 2. § 5-imi, imm. 1 aamma 2 angalanermut maleruaqqusat piffissap ilaani naammassineqarsimanngippata kommunalbestyrelse inerteqquteqarsinnaavoq peqqussuteqarsinnaallunilu.

Imm. 3. Peqqussutit tassaasinnaapput angallaviit aalajangersimasut atorneqarnissaannik piumasaqaatit.

Imm. 4. Inerteqqutit tassaasinnaapput sumiiffinni aalajangersimasuni piffissami aalajangersimasumi angallannerup tamarmi unitsinneqarnissaanik piumasaqaatit.

§ 9. Nalunaarut manna naapertorlugu aalajangikkat tamarmik Avatangiisit innarlitsaaliorneqarnissaat pillugu Inatsisartut peqqussutaanni nr. 9-mi, 22. november 2011-meersumi kapitali 14-imi malittarisassat naapertorlugit naammagittaalliutigineqarsinnaapput.

 

Pineqaatissiinermut aalajangersakkat

§ 10. § 4-mik, § 5-imik aamma § 6-imik unioqqutitsineq akiliisitsinermik aamma/imaluunniit arsaarinninnermik kinguneqarsinnaapput.

Imm. 2. Piumasaqaatinik, § 7, imm. 3 naapertorlugu aalajangersarneqartunik unioqqutitsineq akiliisitsinermik kinguneqarsinnaavoq.

Imm. 3. § 8, imm. 2-4 naapertorlugit peqqussummik imaluunniit inerteqqummik unioqqutitsineq akiliisitsinermik kinguneqarsinnaavoq.

Imm. 4. Ileqqoreqqusatigut akiliisitsinermik kinguneqartitsinermi, Kalaallit Nunaanni pinerluttulerinermi inatsimmi malittarisassat malillugit inatsisitigut pisinnaatitaasumut akisussaatinneqarsinnaapput.

Imm. 5. Imm. 1-4 naapertorlugit akiliisitsissutit Nunatta Karsianut nakkartinneqartassapput.

 

Atuutilerfissaq

§ 11. Ileqqoreqqusaq una Suliffeqarnermut, Ilisimatusarnermut Avatangiisinullu Naalakkersuisumit atuutilersinneqarnerata kinguninngua atuutilersinneqassaaq.

Kingullermik iluarsineqarpoq 23-11-2020

Attaveqarfissaq

Avannaata Kommunia
Noah Mølgaardip Aqq. 9
Postboks 1023
3952 Ilulissat

Telefon: (+299) 70 18 00
plania@avannaata.gl

GER-nr: 37488909