Saqqaa / Ileqqoreqqusat malittarisassallu / Motoorinik ingerlatillit nunaannarmi

Motoorinik ingerlatillit nunaannarmi

Avannaata Kommuniani ukiuunerani assartuutit motoorinik ingerlatillit nunaannarmi atorneqarneri pillugit ileqqoreqqusassatut siunnersuut

Avannaata Kommuniani ukiuunerani assartuutit motoorinik ingerlatillit nunaannarmi atorneqarneri pillugit ileqqoreqqusassatut siunnersuut piffissami tamanut tusarniaassutigineqarpoq: Ataasinngorneq ulloq 23.11.2020-miit sapaatulloq 06.12.2020 ilanngullugu.

Ileqqoreqqusat siunertai

Avannaata Kommuniani assartuutit motoorinik ingerlatillit nunaannarmi atorneqarneri pillugit ileqqoreqqusat uku naapertorlugit aqqutinik ingerlaarfissatullu killeqarfinnik toqqaanikkut aalajangersaapput.

Ileqqoreqqusat imarisai

Ilulissat eqqaannut ileqqoreqqusassatut siunnersuut
Nuussuup eqqaanut ileqqoreqqusassatut siunnersuut
Uummannap eqqaanut ileqqoreqqusassatut siunnersuut
Sigguup eqqaanut ileqqoreqqusassatut siunnersuut
Upernaviup eqqaanut ileqqoreqqusassatut siunnersuut
Kullorsuup eqqaanut ileqqoreqqusassatut siunnersuut
Avanersuup eqqaanut ileqqoreqqusassatut siunnersuut

Tusarniaassummut akerliliissutissaqaruit, oqaaseqaatissaqaruit imaluunniit allannguutissatut siunnersuutissaqaruit kommunimi kingusinnerpaamik ulloq 06.12.2020-mi tiguneqareersimassapput. Tusarniaassummut akissutit kommunip Pilersaarutinut isaaviatigut toqqaannartumik allallutit nassiutissavat (plania.avannaata.gl/gl/tusarniaanermut). Aamma akissuteqaatit najukkanni Sullissivimmukaassinnaavat imauunniit Kommunimut nassiussinnaavat. Aamma attavigisinnaavatsigut oqarasuaat 387676 imaluunniit 387614 aamma E-mail: hha@avannaata.gl

Tamanik peqataatitsereernerup kingorna akerliliissuteqartoqarsimappat, oqaaseqaateqartoqarsimappat allannguutissatulluunniit siunnersuuteqartoqarsimappat kommunalbestyrelsimi oqaluuserineqassapput. Tamatuma kingorna Suliffeqarnermut,

Ilisimatusarnermut Avatangiisinullu Naalakkersuisoqarfimmi atuutsitsilernissaq siunertaralugu tamakku ileqqoreqqusanut ilanngunneqarumaarput.

Siunneruut kommunip nittartagaatigut www.avannaata.gl ‘toortagaq‘ Pilersaarutinut isaavik toorlugu plania.avannaata.gl imaluunniit toqqaannartumik Pilersaarutinut isaavimmiit Tusarniaanermut akissut.

Kingullermik iluarsineqarpoq 23-11-2020

Attaveqarfissaq

Avannaata Kommunia
Noah Mølgaardip Aqq. 9
Postboks 1023
3952 Ilulissat

Telefon: (+299) 70 18 00
plania@avannaata.gl

GER-nr: 37488909